Hekk kif l-isem taż-Żejtun huwa assoċjat mas-siġra taż-żebbuġa, din is-siġra għandha sinifikat importanti għall-poplu ta' din il-belt. Għalihom, hija simbolu ta' patrimonju u kbirja b'belthom kif ukoll simbolu ta' paċi. Din is-siġra kienet miżrugħa mill-ġdid, f'dan il-post, mill-Kunsill Lokali fil-bidu tal-millennju l-ġdid.

Il-kanun li kien użat biex jiddefendi liż-Żejtun waqt il-ħakma tal-Franċiżi jinsab hawn ukoll bħala simbolu ta' paċi bit-tama li l-umanità titgħallem issolvi l-kunflitti mingħajr il-bżonn tal-użu tal-armi.