Din il-Knisja Parrokkjali maestuża nbniet bejn l-1692 u l-1720; fuq disinji ta' Lorenzo Gafà, wieħed mill-aqwa periti Maltin ta' dak iż-żmien. Il-Knisja Parrokkjali taż-Żejtun għal ħafna hija meqjusa bħala l-kapulavur tiegħu. Fejn naraw Knisja b'faċċata imponenti, b'koppla attraenti, pillastri fuq stil Doriku u Joniku, u gwarniċun massiv id-dawra kollha tagħha.

Iż-Żwieten kienu fost l-aqwa bennejja f'Malta. Mikiel Cachia kien wieħed mill-aqwa inġiniera militari u Anġlu Gatt li bena r-Rotunda tal-Mosta li hija magħrufa internazzjonalment, it-tnejn kienu Żwieten. Fil-Knisja Parrokkjali u fil-Mużew Parrokkjali taż-Żejtun insibu diversi xogħlijiet ta' arti. Kull sena, fit-Tielet Ħadd ta' Ġunju, iż-Żwieten jorganizzaw b'pompa kbira l-festa ta' Santa Katarina ta' Lixandra, li l-purċissjoni toħroġ minn din il-Knisja Parrokkjali.