Il-popolarità tal-każini tal-baned f'Malta huwa indikat mill-ħajja vivaċi tagħhom u d-dominanza ta' dawn il-każini fil- pjazez ewlenin tal-bliet u l-irħula Maltin. L-Għaqda Banda Żejtun twaqqfet fl-1933 minn Nikol Attard, dan il-każin tal-banda, li jinkludi wkoll miegħu t-Teatru Pandora, jinsab ħdejn is-Salib tal-Pjazza, li jfakkar ir-rebħa taż-Żwieten fuq il-Franċiżi. Il-Banda Żejtun ġiet iffurmata fuq tradizzjoni relattivament aktar moderna, fejn ir-repertorju mużikali tagħha għandu appell popolari u wiesa'. Fl-1986 il-Banda Żejtun kisbet l-ewwel post fil-Festival Nazzjonali tal-Għaqdiet Mużikali. Bħall-każini tal-baned 'l oħra jipprovdi wkoll għadd ta' attivitajiet sportiv fil-każin, matul is-sena kollha.