Matul is-Seklu Dsatax din il-binja kienet isservi bħala l-Qorti Maġisterjali fiż-Żejtun. Ftit wara l-wasla tagħhom f'Malta, l-Ingliżi ħatru sindki b'setgħat ġuridiċi u amministrattivi limitai, fl-ibliet u l-irħula qodma. B'kollox, iż-Żejtun kellna seba' sindki li servew b'dan il-mod. L-ewwel wieħed kien Ġużi Abela, wieħed mill-mexxejja tal-poplu Żejtuni fir-rewwixta kontra l-Franċiżi. Illum din il-binja sservi bħala l-każin politiku tal-Partit Nazzjonalista.