Bil-Latin għad-''Dar ta' Danjel'', il-Palazz Aedes Danielis bil-faċċata imponenti tiegħu jilqa' lil dak li jkun hekk kif jidħol iż-Żejtun. Danjel kien l-isem Nisrani tan-nobbli li orġinarjament bena din id-dar tas-sajf li tinsab fejn insibu dan il-palazz illum. Iżżejjen il-faċċata hemm statwa tal-profeta Danjel, mit-Testment il-Qadim. Il-barunijiet tal-familji Boniċi u Testaferrata għexu f'dan il-palazz u kien jitolbu fil-kappella li hemm biswitu, iddedikata lill-Madonna tal-Bon Kunsill. Illum il-ġurnata għadu r-residenza privata ta' din il-familja nobbli.