Ta' Tavlin (magħrufa min-nies tal-lokal ukoll bħala Ta' Tablin) hija żona rikka b'diversi karatteristiċi arkitettoniċi u storiċi, inkluż fost affarijiet oħra nsibu 'bracket' ta' fanal fiss mill-qodma, li kienu jinxtgħelu mill-kebbies tal-fanali. Din il-'bracket' tinsab ma' waħda mill-kantunieri tal-isqaqien f'dawn l-inħawi ( Sqaq John Borg ). Il-viżitaturi jistgħu jaraw ukoll dar ta' villeġatura u l-faċċata tal-ġonna tagħha mibnija mill-familja Testaferrata Boniċi f'din iż-żona, fejn illum il-ġurnata huma residenzi privati​​. Fi Triq San Ġwann hemm ukoll id-Dar tal-Falkunier u diveri sqaqin imserpin fosthom insibu wieħed bil-loġġa (sqaq imsaqqaf), Sqaq San Ġwann Nru. 7. Hawnhekk insibu ukoll bust tal-bronż ta' 'il-Bies', wieħed mill-għanejja Żwieten, li għexu f'dawn l-inħawi.