Diversi familji għonja, mill-Belt Valletta u l-Kottonera, imexxew fuq l-eżempju tal-Gran Mastru Ramon Perellos u bnew il-vilel ta' villeġatura tagħhom matul il-purċissjoni ta' San Girgor. Wieħed mill-persuni prominenti li bena r-residenza tiegħu tas-sajf, fi Triq San Girgor, kien l-Isqof Ferdinand Mattei, l-ewwel qassis Malti li nħatar Isqof ta' Malta, taħt il-ħakma Ingliża. L-Ingliżi nsistew mal-awtorijiet ekkleżjastiċi ta' Ruma li l-Isqof ta' Malta għandu jkun Malti. Dan minħabba li fi żmien il-Kavallieri, kważi kienet ovvja li l-Isqof kellu jkun barrani.

Illum dan il-bini importanti huwa użat bħala Ċentru għaż-Żgħażagħ. F'dan iċ-ċentru hemm ukoll teatru u kappella ddedikata lis-Sagra Familja.