L-inħawi ta' Bisqallin, li huma magħrufa bħala r - Raħal t'Isfel,  huma uħud mill-eqdem partijiet taż-Żejtun. L-aħjar mod biex wieħed jilħaq dawn l-inħawi għandu jgħaddi minn Triq il -Kbira mill- pjazza ewlenija (Misraħ ir-Repubblika ). Triq il-Kbira hija triq dejqa u dritta b'numru ta' sqaqin tradizzjonali, prinċipalment Sqaq San Adeodatu. F'Bisqallin u Ħal Tmikki wieħed jista jżur numru ta' sqaqin u niċeċ. It-toroq prinċipali huma Triq Taltas, fejn hemm niċċa tal-Kurċifiss, u Triq Sant' Agata.